Sadaa e dasht hoon aur raaste mein koi nahi Tumhare baad mere rabte mein koi nahi

صدائے دشت ہوں اور راستے میں کوئی نہیں
تمھارے بعد مرے رابطے میں کوئی نہیں
Sadaa e dasht hoon aur raaste mein koi nahi
Tumhare baad mere rabte mein koi nahi

میں پھول بن کے کھلوں اور پھر بکھر جاؤں
کسی کا ہاتھ مرے حادثے میں کوئی نہیں
Main phool ban ke khhiloon aur phir bikhhar jaoun
Kisi ka hath mere hadise mein koi nahi

بہار آئے گی اور پھر سجے گا گلشن بھی
ہمارے خواب کے اس دائرے میں کوئی نہیں
Bahar aye gi aur phir saje ga gulshan bhi
Hamare khwab ke is daiyre mein koi nahi

بچھڑ کے ملنا، بچھڑ جانا پھر سدا کے لیے
ذرا سا غور کرو فائدے میں کوئی نہیں
Bichhar ke milna, bichhar jana phir sadaa ke liye
Zara sa ghar karo fa’ide mein koi nahi

اکیلے شام سے پھرتے تھے، سر پہ رات آئی
سہانی رات ہے اور رتجگےمیں کوئی نہیں
Akele sham se phirte thay, sar pe rat aiy
Suhani rat hai aur ratjage mein koi nahi

بڑے وثوق سے تنکوں کو جوڑ رکھا تھا
عجب نصیب کہ اب گھونسلے میں کوئی نہیں
Bare wasoq se tinkon ko jor rakha tha
Ajab naseeb ke ab ghhonsle mein koi nahi

کہاں گئے ہیں وہ یارانِ خوش خصال کہ اب
ڈھلی ہے رات مگر میکدے میں کوئی نہیں
Kahan gaye hain wo yahan e khush khasal ke ab
Shakir hai rat magar maikade mein koi nahi

شائستہ مفتی
Shaista Mufti