Shajar e wujood sahoon to kaise main teri aisi barehnagi Teri chhaal uterne se peshtar koi meri khhal utarta

شجرِ وجود سہوں تو کیسے مَیں تیری ایسی برہنگی
تِری چھال اُترنے سے پیشتر کوئی میری کھال اُتارتا
Shajar e wujood sahoon to kaise main teri aisi barehnagi
Teri chhaal uterne se peshtar koi meri khhal utarta

 
مِرے ہاتھ آ کے نِکل گیا زرِ شامِ ہجر وگرنہ مَیں
فقط ایک پل سے تمام قرضۂ ماہ و سال اُتارتا
Mere hath aa ke nikal gaya zar e sham e hijr wagarna main
Faqat aik pal se tamam qarza e maah o sal utarta

 
سرِ کارگاہ پُرانے پُرزے چمَک دمَک گئے جِس طرح
کبھی اِس طرح مِرا زنگ بھی کوئی ریگ مال اُتارتا
Sar e kargah purane purze chamak damak gaye jis tarah
Kabhi is tarah mera zang bhi koi reg maal utarta

 
مِری آرزو تھی، وہ آگ پہنے بغیر مجھ سے گلے مِلے
مگر اتنی سرد ہَوا میں کون بدن کی شال اُتارتا
Meri arzu thi wo aag pehne baghair mujh se gale mile
Magar itni sard hawa mein kaun badan ki shawl utarta

یُونہی اپنے آپ سے جنگ ہی میں تمام عُمر گُزر گئی
کوئی چھینتا مِری تیغ غم کوئی دِل سے ڈھال اُتارتا
Younhi apne ap se jang hi mein tamam umr guzar gaiy
Koi chheenta meri tegh e gham, koi dil se dhaal utarta

 
ِتِرا ساتھ ہوتا تو کم سے کم مِری یُوں کمر تو نہ ٹُوٹتی
مَیں اکیلا وقت کی ریل گاڑی سے کتنا مال اُتارتا
Tear sath hota to kam se kam meri youn kamar to na toot-ti
Main akela waqt ki rail gaari se kitna maal utarta

 
سعید شارق
Saeed Shaariq