Sham Gham Tujh Se Jo Dar Jate Hein Shab Guzar Jaye Tou Ghar Jate Hein

شام غم تجھ سے جو ڈر جاتے ہیں
شب گزر جائے تو گھر جاتے ہیں
Sham Gham Tujh Se Jo Dar Jate Hein
Shab Guzar Jaye Tou Ghar Jate Hein
وقت رخصت انہیں رخصت کرنے
ہم بھی تا حد نظر جاتے ہیں

یوں نمایاں ہیں تیرے کوچے میں
ہم جھکائے ہوے سر جاتے ہیں

اب انا کا بھی ہمیں پاس نہیں
وہ بلاتے نہیں پر جاتے ہیں

یاد کرتے نہیں جس دن تجھے ہم
اپنی نظروں سے اتر جاتے ہیں

وقت سے پوچھ رہا ہے کوئی
زخم کیا واقعی بھر جاتے ہیں

زندگی تیرے تعاقب میں ہم
اتنا چلتے ہیں کہ مر جاتے ہیں

مجھ کو تنقید بھلی لگتی ہے
آپ تو حد سے گزر جاتے ہیں
طاہر فراز
Tahir Faraz