Socha Yeh Tha Waqt Mila Tou Tooti Cheezein Jodengy Ab Kony Mein Dher Laga Hai , Baqi Kamra Khali Hai

سوچا یہ تھا وقت ملا تو ٹوٹی چیزیں جوڑیں گے
اب کونے میں ڈھیر لگا ہے، باقی کمرہ خالی ہے
Socha Yeh Tha Waqt Mila Tou Tooti Cheezein Jodengy
Ab Kony Mein Dher Laga Hai , Baqi Kamra Khali Hai
بیٹھے بیٹھے پھینک دیا ہے آتشدان میں کیا کیا کچھ
موسم اتنا سرد نہیں ہے جتنی آگ جلا لی ہے

اپنی مرضی سے سب چیزیں گھومتی پھرتی رہتی ہیں
بے ترتیبی نے اس گھر میں اتنی جگہ بنا لی ہے

ہر حسرت پر ایک گرہ سی پڑ جاتی تھی سینے میں
رفتہ رفتہ سب نے مل کر دل سی شکل بنا لی ہے

اوپر سب کچھ جل جائے گا کون مدد کو آئے گا
جس منزل پر آگ لگی ہے، سب سے نیچے والی ہے

اک کمرہ سایوں سے بھرا ہے، اک کمرہ آوازوں سے
آنگن میں کچھ خواب پڑے ہیں، ویسے یہ گھر خالی ہے
ذوالفقار عادل
Zulfiqar Aadil