Takra Gai Kisi Ki Nazar Se Meri Nazar Goya Shab e Firaq Se Aa Kar Mili Sahar

ٹکرا گئی کسی کی نظر سے میری نظر
گویا شبِ فراق سے آ کر ملی سحر
Takra Gai Kisi Ki Nazar Se Meri Nazar
Goya Shab e Firaq Se Aa Kar Mili Sahar
رہبر ملا نہ راہ میں کوئی بھی ہمسفر
پوچھو نہ کس طرح سے زندگی ہوئی بسر

ہر مرحلے پہ ذہن میں یہ کشمکش رہی
ہستی سے ہو مفر کہ مراحل سے ہو مفر

ہم کو خودی نے اپنا خدا ہی بنا دیا
جب بیخودی ملی تو گِرے پاۓ یار پر

وارث ہے میکدے کا وہی رِندِ تشنہِ کام
جس کی نظر ہو گردشِ لیل و نہار پر

وہ دن کہاں گئے کہ محبت تھی زندگی
اب وہ نظر کہاں ہے، کہاں دل، کہاں جگر

آوارگانِ عشق نے منزل کو پا لیا
راہوں میں سر پٹختی رہی عقل عمر بھر

تاثیر ڈھونڈتی تھی کبھی آہِ نارسا
اب ڈھونڈتا ہے آہ کو روتا ہوا سر

دل پہ تیری جفا کے سوا اور بھی ہیں داغ
تاروں کی روشنی بھی رہی زینتِ قمر

واصفؒؔ کو کس نے ہوش سے بیگانہ کر دیا
فطرت جنوں پسند تھی لیکن نہ اِس قدر
واصف علی واصف
Wasif Ali Wasif