Tod Sakon Na Koi Qufal , Door Kahein Na Ja Sakon Aisi Gira Laga Keh Main Haath Na Phir Chuda Sakon
توڑ سکوں نہ کوئی قُفل، دُور کہِیں نہ جا سکوں
ایسی گرہ لگا کہ مَیں ہاتھ نہ پھر چُھڑا سکوں
Tod Sakon Na Koi Qufal , Door Kahein Na Ja Sakon
Aisi Gira Laga Keh Main Haath Na Phir Chuda Sakon
اے مِرے ناتواں ملال، دیکھ رہا ہوں تیرا حال
مرغِ طرب مِلے تو مَیں لا کے تجھے کھِلا سکوں
کِس کو خبر کہ پھر یہاں کوئی بنا ہی دے مکاں
دِل سے تری حویلی کا ملبہ اگر ہٹا سکوں
وقت ملے اگر تجھے، آ کے اُڑا بھی دے مجھے
تاکہ مَیں راکھ ہونے کا خُود کو یقیں دِلا سکوں
دِن کی چڑھائی اک طرف، رات کی کھائی اک طرف
بیچ میں شام کی چٹان کیا تِرے پاس آ سکوں
آپ ہی ایک دیو ہوں، آپ ہی شاہزادہ ہوں
کاش لگوں مَیں اپنے ہاتھ، کاش تجھے بچا سکوں
سعید شارقؔ
Saeed Shariq
Comments
Post a Comment