Udas Dil Ko Muhabbat Ka Aasra Dy Gi Woh Mujh Ko Chho Ke Mera Housla Barha Dy Gi
اداس دل کو محبت کا آسرا دے گی
وہ مجھ کو چھو کے میرا حوصلہ بڑھا دے گی
Udas Dil Ko Muhabbat Ka Aasra Dy Gi
Woh Mujh Ko Chho Ke Mera Housla Barha Dy Gi
ذرا سی بات سہی اس کا دیکھنا لیکن
ذرا سی بات میری نیند ہی اڑا دے گی
وہ دم درود کی عادی ہے اور مجھے شک ہے
وہ اپنا پیار مجھے گھول کر پلا دے گی
تم اس کی روشنی تکنے میں گم نہ ہو جانا
وہ ایک لو ہے تمہیں آگ بھی لگا دے گی
تو میرے سامنے چپ رہنا اور دل کی بات
تمہارے چہرے کی رنگت مجھے بتا دے گی
کسی کے پیار کی مہندی لگا لے ہاتھوں پر
مہک نہ دے گی مگر رنگ تو چڑھا دے گی
میں جانتا ہوں وہ سڑیل مزاج ہے تحسینؔ
مگر وہ میری غزل سن کے مسکرا دے گی
یونس تحسین
Younas Tahseen
Comments
Post a Comment