Us Ko Pana Tou Khair Bas Mein Nahi Zindagi Tu Bhi Dastras Mein Nahi

اس کو پانا تو خیر بس میں نہیں
زندگی تو بھی دسترس میں نہیں
Us Ko Pana Tou Khair Bas Mein Nahi
Zindagi Tu Bhi Dastras Mein Nahi
لکھ رہی ہوں جو کہہ نہیں سکتی
قید میں ہوں مگر قفس میں نہیں

جو سہولت ہے تجھ سے کہنے میں
وہ کسی اور داد رس میں نہیں

کب کہا مجھ کو اولین میں رکھ
دکھ تو یہ ہے کہ پہلے دس میں نہیں

جو سکوں روح کی پناہ میں ہے
وہ سکوں جسم کی ہوس میں نہیں

رنگ دنیا میں جو بھرے رب نے
وہ کسی اور کینوس میں نہیں
عاصمہ فراز
Asma Fraz