Wasal Majboor Hai , Majboor Bhi Acha Khasa Mujh Se Woh Door Hai , Aur Door Bhi Acha Khasa

وصل مجبور ہے ، مجبور بھی اچھا خاصا
مجھ سے وہ دور ہے ، اور دور بھی اچھا خاصا
Wasal Majboor Hai , Majboor Bhi Acha Khasa
Mujh Se Woh Door Hai , Aur Door Bhi Acha Khasa
کرنی پڑتی ہے مشقت اسے بے اجرت ہی
عشق مزدور ہے ، مزدور بھی اچھا خاصا

کوئی بتلائے اسے کیسے میں عاجز کر دوں
وہ جو مغرور ہے ، مغرور بھی اچھا خاصا

اس نے چہرے سے فقط اپنے ہٹائیں زلفیں
ہر طرف نور ہے اور نور بھی اچھا خاصا

شیخ آیا تھا جو رندوں کو نصیحت کرنے
اب وہ مخمور ہے ، مخمور بھی اچھا خاصا

ہجر کاندھوں پہ اٹھا رکھا ہے تیرا جب سے
یہ بدن چُور ہے اور چُور بھی اچھا خاصا

اب اسے تجھ سے سروکار نہیں ہے جاوید
اب وہ مشہور ہے ، مشہور بھی اچھا خاصا

جاویدجدون
Javed Jadoon