Yahi Sadgi Mera Maan Hai Unhein Khud Sarai Peh Naz Hai Woh Haram Hai Mere Wastay , Unhein Jis Kamai Peh Naz Hai

یہی سادگی مرا مان ہے اُنہیں خود سرائی پہ ناز ہے
وہ حرام ہے مرے واسطے، اُنہیں جس کمائی پہ ناز ہے
Yahi Sadgi Mera Maan Hai Unhein Khud Sarai Peh Naz Hai
Woh Haram Hai Mere Wastay , Unhein Jis Kamai Peh Naz Hai
مجھے بخششوں کا ہے آسرا،وہ نوازشوں کی طلب میں ہیں
مجھے ہر گناہ پہ رنج ہے اُنہیں پارسائی پہ ناز ہے

یہ جو آدمی کی خدائی ہے یہ تو آدمی نے بنائی ہے
جو تری خدائی ہے اے خدا، مجھے اُس خدائی پہ ناز ہے

نہ دلیل دے کے ڈرا مجھے، کوئی مصلحت نہ سکھا مجھے
میں علی کے در کا فقیر ہوں، مجھے اس گدائی پہ ناز ہے

مرا زائچہ ہی عجیب تھا تُو نہیں ملا، یہ نصیب تھا
ترے شہر میں ترے نام پر ملی جگ ہنسائی پہ ناز ہے

اسی واسطے سے ہوں باخبر میں ترے نکھرتے جمال سے
مجھے تیرے شہر کے شاعروں سے بنی بنائی پہ ناز ہے
احمد خلیل خان
Ahmad Khalil Khan