Yaran Layi Sab Yar Barabar Phul , Tehni Ty Khar Barabar
یاراں لئی سب یار برابر
پُھل، ٹہنی تے خار برابر
Yaran Layi Sab Yar Barabar
Phul , Tehni Ty Khar Barabar
وچلی کندھ اُساری لوکاں
اُنج تے ہے سی گھار برابر
چھمکاں وجیاں لیلی تائیں
قیس دے ہتھیں مار برابر
عاشق لئی تے اِکّو گل اے
جِت ہووے یا ہار برابر
پیار ہُلارا لَینا پیندا
پینگھ ہووے یا دار برابر
تیریاں بانہواں گل وچ میرے
پھلاں جیہے اک ہار برابر
فلکی فیر ہے امبریں ٹُریا
کر کے سر نوں دار برابر
افتخار احمد فلکی
Iftikhar Ahmed Falki

Comments
Post a Comment