Yeh Faisla Bhi Mere Uske Darmian Kar Dy Mujhe Sarab Bana , Usko Karwan Kar Dy

یہ فیصلہ بھی مرے اس کے درمیاں کر دے
مجھے سراب بنا، اس کو کارواں کر دے
Yeh Faisla Bhi Mere Uske Darmian Kar Dy
Mujhe Sarab Bana , Usko Karwan Kar Dy
وہ لوٹ کر نہیں آتا تو انتقاماً ہی
مجھے بھی اس کی فقط عمر رائگاں کر دے

کسی طرح تو وہ شامل ہو زندگی میں مری
جو ہو سکے تو اسے میری داستاں کر دے

وہ آفتاب سہی اک نئے سویرے کا
مجھے چراغ سے اٹھتا ہوا دھُواں کر دے

بنا کے دھُوپ مجھے شب کی چاندنی دن کی
مرے وجود میں مجھ کو کہیں نہاں کر دے

میں شاخ سبز ہوں، مجھ کو اتار کاغذ پر
مری تمام بہاروں کو بے خزاں کر دے