Zindagi Bhar Aik Hi Kar Hunar Karte Rahe Ik Gharonda Ret Ka Tha Ghar Karte Rahe
زندگی بھر ایک ہی کار ہنر کرتے رہے
اک گھروندہ ریت کا تھا جس کو گھر کرتے رہے
Zindagi Bhar Aik Hi Kar Hunar Karte Rahe
Ik Gharonda Ret Ka Tha Ghar Karte Rahe
اڑ گئے سارے پرندے موسموں کی چاہ میں
انتظار ان کا مگر بوڑھے شجر کرتے رہے
یوں تو ہم بھی کون سا زندہ رہے اس شہر میں
زندہ ہونے کی اداکاری مگر کرتے رہے
آنکھ رہ تکتی رہ، دل اس کو سمجھاتا رہا
اپنا اپنا کام دونوں عمر بھر کرتے رہے
اک نہیں کا خوف تھا سو ہم نے پوچھا ہی نہیں
یاد کیا ہم کو بھی وہ دیوار و در کرتے رہے
عنبرین حسیب عنبر
Ambreen Haseeb Amber
Comments
Post a Comment