Zindagi Ki Har Nafs Mein Be-Kali Tere Baghair Har Khushi Lagti Hai Dil Ko Ajnabi Tere Baghair
زندگی کی ہر نفس میں بے کلی تیرے بغیر
ہر خوشی لگتی ہے دل کو اجنبی تیرے بغیر
Zindagi Ki Har Nafs Mein Be-Kali Tere Baghair
Har Khushi Lagti Hai Dil Ko Ajnabi Tere Baghair
فصل گل نے لاکھ پیدا کی فضائے پر بہار
غنچۂ دل پر نہ آئی تازگی تیرے بغیر
تشنہ کامی کو مری سیراب کرنے کے لیے
اٹھتے اٹھتے وہ نظر بھی رہ گئی تیرے بغیر
کوئی جلوہ کوئی منظر مجھ کو بھاتا ہی نہیں
چاند کی صورت بھی ہے بے نور سی تیرے بغیر
رہ گیا آخر سکوں نا آشنا ہو کر مبینؔ
آہٹیں ہونے لگیں ہیں درد کی تیرے بغیر
مبینؔ علوی خیر آبادی
Mubeen Alvi Khairabadi
Comments
Post a Comment