Zindagi Tujh Se Sar e Raah Mulaqat Hoi Jo Na Mumkin Thi Muqadar Mein , Wahi Baat Hoi

زندگی تجھ سے سرِ راہ ملاقات ہوئی
جو نہ ممکن تھی مقدر میں، وہی بات ہوئی
Zindagi Tujh Se Sar e Raah Mulaqat Hoi
Jo Na Mumkin Thi Muqadar Mein , Wahi Baat Hoi
ایک لمحے کو کھلی قوسِ قزح چہرے پر
اور پھر دیر تلک اشکوں کی برسات ہوئی

کھیلتے رہنا کبھی رنگ سے، لفظوں سے کبھی
دل مضطر تری ہر طرح مدارات ہوئی

کس نے طوفان اٹھایا ہے سرِ ساحل پر
سیپیاں چنتے ہوئے شام ہوئی رات ہوئی

اتنے برسوں سے گیا آیا نہ کوئی گھر میں
اک تری نظرِ کرم ہے کہ کرامات ہوئی

ایک خواہش جو نہ مٹتی ہے، نہ دم توڑتی ہے
خالی کشکول کو ہر بار ہی شہ مات ہوئی
شائستہ مفتی
Shaista Mufti