Daraz Gaisoo , Ghaneri Zulfein , Misali Palkein , Sunehri Rangat Sharabi Aankhein , Jamali Chehra , Bahar Jaisi Tumhari Suhbat
دراز گیسو، گھنیری زلفیں، مثالی پلکیں، سنہری رنگت
شرابی آنکھیں، جمالی چہرہ، بہار جیسی تمہاری صحبت
Daraz Gaisoo , Ghaneri Zulfein , Misali Palkein , Sunehri Rangat
Sharabi Aankhein , Jamali Chehra , Bahar Jaisi Tumhari Suhbat
کٹاری نتھلی، ستارہ جھمکا، چمکتا ٹیکا مہکتا گجرا
کھنکتی چوڑی، چھنکتی پائل، تڑپتی جھانجر تمہاری شہرت
ادھورے جملے، اٹکتی باتیں، بہکتی سانسیں سلگتا لہجہ
شرارہ نخرہ، کٹیلی نظریں، شراب سی وہ تمہاری فطرت
مچلتا جوبن، سرابی دھڑکن، شہابی پلو گلابی آنچل
سمٹ کے چلنا، حیا سے تکنا، سبو میں ڈھلنا تمہاری حرمت
ہتھیلی پڑھنا، لکیریں تکنا سوال کر کے اداس رہنا
چھتوں پہ پھرنا، غموں میں جلنا، اکیلے رہنا تمہاری عادت
طویل سجدے، قضا نمازیں، صدائیں دینا، وضو میں رہنا
ملن کی خاطر وظیفے پڑھنا دعائیں کرنا تمہاری چاہت
محبتوں میں تڑپتے رہنا، سلگتے سونا بلکتے اٹھنا
خوشی میں رونا، غموں پہ ہنسنا، بکھر کے جڑنا تمہاری حالت
کڑکتی بجلی، برستی بارش، ہو تیز آندھی ہماری خاطر
ہمیشہ اپنے سمے پہ آنا نظارہ کرنا تمہاری راحت
Comments
Post a Comment