Ishq Darbar SaJata Hai Tou Hum Nachtay Hein Phir Sar e Dar Bulata Hai Tou Hum Nachtay Hein

عشق دربار سجاتا ہے تو ہم ناچتے ہیں
پھر سرِ دار بُلاتا ہے تو ہم ناچتے ہیں
Ishq Darbar SaJata Hai Tou Hum Nachtay Hein
Phir Sar e Dar Bulata Hai Tou Hum Nachtay Hein
ایک لہجہ کسی بھیگی ہویٔ خوشبو کی طرح
صبح کے ساتھ جگاتا ہے تو ہم ناچتے ہیں
دُور تک پھیلی ہویٔ برف کا شفاف بدن
دِل میں اِک آگ لگاتا ہے تو ہم ناچتے ہیں
شب کی پازیب سے اُلجھا ہوا تنہا گُھنگرو
وصل کے گیت سُناتا ہے تو ہم ناچتے ہیں
گرمیٔ عشق کی شدت سے دہکتا آنچل
ایک دیوار اُٹھاتا ہے تو ہم ناچتے ہیں
نوشی گیلانی
Noshi Gailani