Jahan tu hai, wahan se har nazara theek lagta hai Zameen humwar lagti hai, falak nazdeek lagta hai

جہاں تُو ہے، وہاں سے ہر نظارہ ٹھیک لگتا ہے
زمیں ہموار لگتی ہے فلک نزدیک لگتا ہے
Jahan tu hai, wahan se har nazara theek lagta hai
Zameen humwar lagti hai, falak nazdeek lagta hai

تُجھے یہ اشک بہتے کیا دکھیں اتنی بلندی سے
کہ اس اونچائی سے دریا بہت باریک لگتا ہے
Tujhe ye ashk behte kia dikhhen itni bulandi se
Ke is oonchaiy se dariya bohat bareek lagta hai

تری جھوٹی خوشامد سے مری تضحیک ہوتی ہے
مرا سچ بولنا شاید تجھے تضحیک لگتا ہے
Teri jhooti khushamad se meri tazheek hoti hai
Mera sach bolna shayed tujhe tazheek lagta hai

جو دینا ہے مصیبت میں برابر ساتھ دے ورنہ
دلاسہ مت دلایا کر دلاسہ بھیک لگتا ہے
Jo dena hai museebat mein barabar sath de warna
Dilasa mat dilaya kar dilasa bheek lagta hai

تری ہر رات کا جگنو چمکتے چاند سا روشن
ہمارے دن کا سورج بھی تجھے تاریک لگتا ہے
Teri har rat ka jugnu chamakte chaand sa raushan
Hamare din ka sooraj bhi tujhe tareek lagta hai

ملی ہے شور غل کرنے کی آزادی کہ حاکم کو
سکوتِ شہر جنتا کی کوئی تحریک لگتا ہے
Mili hai shor ghul karne ki azadi ke hakim ko
Sukoot e shehr janta ki koi tehreek lagta hai

 
احمد خلیل خان
Ahmed Khalil Khan