Koi Aayat Hai Keh Soorat Kisi Ilham Ki Hai Yeh Muhabbat Nahi Chadar Mere Ihram Ki Hai

کوئی آیت ہے کہ صورت کسی الہام کی ہے
یہ محبت نہیں چادر مرے احرام کی ہے
Koi Aayat Hai Keh Soorat Kisi Ilham Ki Hai
Yeh Muhabbat Nahi Chadar Mere Ihram Ki Hai
کل سے تم اور کسی کی نئی دنیا ہو گے
آج کی شام مرے ساتھ مرے نام کی ہے

ہو گیا میری اداسی کا مداوا اس سے
تیری تصویر مرے دوست بڑے کام کی ہے

اِس طرف ہاتھ اٹھے اور اُدھر فون بجا
یہ گھڑی عشق میں شاید کسی اِلہام کی ہے

ہم وہ محروم ِ تمنا ہیں جنہیں آج تلک
کوئی حسرت ہے، نہ چاہت کسی انعام کی ہے

شعر لکھتی ہوں کہ شاید کبھی پہنچیں تم تک
اب یہ لگتا ہے کہ صورت یہی پیغام کی ہے