Sunehra Din Shab Tareek Lag Raha Hai Mujhe Yeh Mera Weham Hai Ya Theek Lag Raha Hai Mujhe

سنہرا دن شبِ تاریک لگ رہا ہے مجھے
یہ میرا وہم ہے یا ٹھیک لگ رہا ہے مجھے
Sunehra Din Shab Tareek Lag Raha Hai Mujhe
Yeh Mera Weham Hai Ya Theek Lag Raha Hai Mujhe
تمھاری طرزِ پذیرائی کا جواب نہیں
یہ میرا حق ہے مگر بھیک لگ رہا ہے مجھے

بہت ہی دور، بہت دور ہے تمھاری طرح
یہ آسمان جو نزدیک لگ رہا ہے مجھے

دیا جلا کے پریشان ہوگیا ہوں میں
یہ گھر تو اور بھی تاریک لگ رہا ہے مجھے

زمیں پہ شور مچاتا ہوا یہ سناٹا
کسی خیال کی تحریک لگ رہا ہے مجھے

میں دیکھتا ہوں اسے جتنے غور سے غائر
یہ نکتہ اتنا ہی باریک لگ رہا ہے مجھے