Woh Aaye , Baithay , Hansay , Boly Aur Qiyam Kare Par Itna Ho Keh Mera Dil Se Ihteram Kare

وہ آئے، بیٹھے، ہنسے، بولے اور قیام کرے
پر اتنا ہو کہ مرا دل سے احترام کرے
Woh Aaye , Baithay , Hansay , Boly Aur Qiyam Kare
Par Itna Ho Keh Mera Dil Se Ihteram Kare
ہمارا مان رکھے زیست کے خرابوں میں
اٹھا کے ہاتھ ضروری نہیں سلام کرے


اگر سمجھتے ہو اتنا ہے کارِ عشق کٹھن
تو اپنے دل سے کہو اور کوئی کام کرے

ہم اہلِ دل ہیں ہمیں کیا خبر زمانے کی
جو دل پہ گزرے قیامت، اسے دوام کرے

ستم کی رات بہت طول کھینچ لائی ہے
کوئی چراغ سرِ رہگزر تمام کرے

تجھے جو رب سے میں مانگوں دعاؤں میں، پا لوں
دلِ خراب اگر پچھلی شب قیام کرے

بس ایک ساتھ ترا بخش کر مجھے سعدی
دعا ہے، مجھ پہ خدا نعمتیں تمام کرے
سعدیہ شکیل سعدی
Sa'adia Shakeel Sa'adi