Ye Zulf Agar Khul Ke Bikhar Jae Tou Acha Iss Raat Ki Taqdeer Sanwer Jae Tou Acha

یہ زلف اگر کھل کے بکھر جائے تو اچھا
اس رات کی تقدیر سنور جائے تو اچھا

جس طرح سے تھوڑی سی تیرے ساتھ کٹی ہے
باقی بھی اسی طرح گزر جائے تو اچھا

دنیا کی نگاہوں میں برا کیا ہے بھلا کیا
یہ بوجھ اگر دل سے اُتَر جائے تو اچھا
ویسے تو تمہی نے مجھے برباد کیا ہے
الزام کسی اور کے سر جائے تو اچھا
ویسے ہی قیامت ہے تیرے حسن کا جلوہ
ٹپ ٹپ کے اگر اور نکھر جائے تو اچھا
اس حسن مجسم کی کوئی نیند نا لوٹے
کچھ دیر ابھی رات ٹھہر جائے تو اچھا
جس صبح کی تقدیر میں لکھی ہو جدائی
اس صبح سے پہلے کوئی مر جائے تو اچھا
جا کر تیری محفل سے کہاں چین ملے گا
اب اپنی جگہ اپنی خبر جائے تو اچھا