Sab Kar Laina , Lamhe Zaya Mat Karna Ghalat Jagah Par Jazbey Zaya Mat Karna

سب کر لینا، لمحے ضائع مت کرنا
غلط جگہ پر جذبے ضائع مت کرنا

جن کی آنکھیں پیاری، باتیں جھوٹی ھوں
ان کی خاطر سپنے ضائع مت کرنا

سادہ ھوں، اور برینڈز پسند نہیں مجھ کو
مجھ پر  اپنے پیسے ضائع مت کرنا

جن لوگوں کو خاموشی کی قدر نہ ھو
ان لوگوں  پر لہجے ضائع مت کرنا

عشق تو  نیت کی سچائی دیکھتا ھے
دل نہ جُھکے تو سجدے ضائع مت کرنا

روزی روٹی دیس میں بھی مل جائے گی
دور بھیج  کے رشتے ضائع مت کرنا

علی زریون