Aik awaz lagani hai guzar jana hai Hum faqeeron ne bhalaa kaun sa ghar jana hai

ایک آواز لگانی ہے گزر جانا ہے
ہم فقیروں نے بھلا کون سا گھر جانا ہے
Aik awaz lagani hai guzar jana hai
Hum faqeeron ne bhalaa kaun sa ghar jana hai

بات رہ جائے گی پٹری پہ حسیں آنکھوں کی
ریل رکنی ہے مسافر نے اتر جانا ہے
Bat reh jaae gi patri pe haseen ankhon ki
Rail rukni hai musafir ne uter jana hai

بات تو جب ہے مری آنکھ کا کاسہ بھر دے
دل تو ویسے بھی تری یاد سے بھر جانا ہے
Bat to jab hai meri ankh ka kasa bhar de
Dil to waise bhi teri yad se bhar jana hai

سانس ڈوری کو ترے ہاتھ سے یوں باندھ لیا
تُو نے جب ہاتھ چھڑانا ہے تو مر جانا ہے
Sans dori kia tere hath se youn baandh lia
Tu ne jab hath chhurana hai to ma jana hai

تم اگر خواب میں آنے کی سہولت دے دو
کون سا جاگنے والوں نے سدھر جانا ہے
Tum agar khwab mein anay ki sahulat de do
Kaun sa jagne walon ne sudhar jana hai

لطیف ساجد
Lateef Sajid