Chand Ko Tod Ke Lany Ka Woh Dawa Na Kare Mujh Ko Yeh Bhi Tou Buhat Hai Keh Woh Dhoka Na Kare

چاند کو توڑ کے لانے کا وہ دعوی نہ کرے
مجھ کو یہ بھی تو بہت ہے کہ وہ دھوکہ نہ کرے
Chand Ko Tod Ke Lany Ka Woh Dawa Na Kare
Mujh Ko Yeh Bhi Tou Buhat Hai Keh Woh Dhoka Na Kare
میں جسے سوچ رہا ہوں، اسے میں ہی سوچوں
دوسرا کوئی بھی اس شخص کو سوچا نہ کرے

بات کرتا ہے تو پھر بات سنے بھی مجھ سے
میں کروں بات تو پھر بات میں ٹوکا نہ کرے

پاس اپنے جو بٹھائے تو بٹھائے مجھ کو
مجھ سے ہٹ کے وہ کسی اور کو اپنا نہ کرے

اس کو آواز لگانا تو کبھی زیب نہیں
اٹھ کے جاتے ہوئے احباب کو روکا نہ کرے

عشق میں رنج الم کوئی نئی بات نہیں
ان مسائل کے سبب دل کو تو چھوٹا نہ کرے

ڈال دے آنکھ کے آنسو مری جھولی میں مگر
اس حسیں شخص سے کہہ دو کہ وہ رویا نہ کرے
فضل الرحمن
Fazal ur Rehman