Dil Diyan Pad Chatiyan Uty Jalian Dy Naal Naal
ساڈے خاب
SADAY KHAB
دل دیاں پڑچھتیاں اتے
جالیاں دے نال نال
Dil Diyan Pad Chatiyan Uty
Jalian Dy Naal Naal
ساڈے خاب
ہالی تیکر ٹنگے ہوئے نیں
جیہڑے ویکھے نئیں
او پورے نیں
تے جیہڑے ویکھے سن
پٹھے سدھے
پئے ہوئے نیں
کج خاب تے دن چڑے ای
اتھرو بن کے رڑ جاندے نیں
پیراں تیکر ٹر جاندے نیں
کج ساری حیاتی دو چنیاں دی پینگ بنا کے
سانوں اپنے ہلاریاں چہ رکھدے نیں
کتے کتے تے اہنہاں وچوں
نانی دادی دے
پرانے کھیساں دی
خشبو وی اوندی اے
تے کدے کدے
او پرانیاں راتاں وی جاگ اٹھدیاں نیں
جیہڑیاں چن دی لو وچ کٹھیاں
چھتاں تے گزاری دیاں سن
کج خواب تے او وی نیں جیہڑھے
اکھاں چہ ای مر گئے سن
تے کج ہجے وی ہتھ جوڑے
اکھ دے بوہے چہ ای بیٹھے ہوۓ نیں
کدوں اکھ کھلے تے اے اکھ دے سنجے
ویہڑے چہ تمال شروع کرن
ہے نا کہے نوں تنگ کرن والی گل
کسے دے ٹردے ساہ پھڑن والی گل
ڈر دے مارے اکھاں کھولن نو جی وی نئیں کردا
تے اہناں نمانیاں نوں بوہوں ٹھان نوں جی وی نہیں کردا
کدے کدے خیال جیا اوندا اے
کہ اونہاں دی انگلی پھڑ کے
ذرا گزرے ویلے ول اک چاتی تے پاواں
اک پھیرا اونہاں راہواں ول تے لاواں
جنہاں مینوں ہالی تیکر اپنے ویلے دی ونڈ وچ
رکھیا ہویا اے
فر اک خیال جیا اوندا اے
جے اوتھے کسے مینوں پچھان توں
انکار کر دتا تے ؟
روبینہ ناز بینا
Robeena Naz Beena
Comments
Post a Comment