Ghurbat vich bahar vi changi lagdi nai Phullan di mehkar vi changi lagdi nai

غربت وچ بہار وی چنگی لگدی نئیں
پھلاں دی مہکار وی چنگی لگدی نئیں
Ghurbat vich bahar vi changi lagdi nai
Phullan di mehkar vi changi lagdi nai

درد دیاں جد لوواں چُبھدیاں اکھاں نوں
چن دی فر چمکار وی چنگی لگدی نئیں
Dard diyan jad luvan chubhdiyan akkhan nu
Chan di fir chamkar vi changi lagdi nai

دکھاں دا جدوں بھار سراں تے آ جاوے
سر تے فر دستار وی چنگی لگدی نئیں
Dukhhaan da jadon bhaar siran te aa jave
Sir te fir dastar vi changi lagdi nai

ول نئیں اوندا جنوں بیڑی ٹِھلن دا
اودے ہتھ پتوار وی چنگی لگدی نئیں
Val nai onda jinu beri thillan da
Ode hath patwar vi changi lagdi nai

ہاسے ساتھ اگر چھڈ جاون بلاں دا
قہقیاں دی بھرمار وی چنگی لگدی نئیں
Hase sath agar chhad javan bullan da
Qehqeyan di bharmar vi changi lagdi nai

روز دہاڑی نکیاں نکیاں گلاں تے
آپس وچ تکرار وی چنگی لگدی نئیں
Roz dihari nikiyan nikiyan gallan te
Apas vich takrar vi changi lagdi nai

مان وفاواں دا نئیں جیہڑا رکھ سکدا
شمیم اودی گفتار وی چنگی لگدی نئیں
Maan wafavan da nai jehra rakh sakda
Shamim odi guftar vi changi lagdi nai

شمیم چودھری
Shamim Chaudhry