Ik Karb Musalsal Ki Saza Dein Toh Kise Dein Maqtal Mein Hein , nJeeny Ki Dua Dein Toh Kise Dein

اک کرب مسلسل کی سزا دیں تو کسے دیں
مقتل میں ہیں، جینے کی دعا دیں تو کسے دیں
Ik Karb Musalsal Ki Saza Dein Toh Kise Dein
Maqtal Mein Hein , nJeeny Ki Dua Dein Toh Kise Dein
پتھر ہیں سبھی لوگ، کریں بات تو کس سے
اس شہر خموشاں میں صدا دیں تو کسے دیں
ہے کون کہ جو خود کو ہی جلتا ہوا دیکھے
سب ہاتھ ہیں کاغذ کے، دیا دیں تو کسے دیں
سب لوگ سوالی ہیں سبھی جسم برہنہ
اور پاس ہے بس ایک ردا، دیں تو کسے دیں
جب ہاتھ ہی کٹ جائیں تو تھامے گا بھلا کون
یہ سوچ رہے ہیں کہ عصا دیں تو کسے دیں
بازار میں خوشبو کے خریدار کہاں ہیں
یہ پھول ہیں بے رنگ، بتا دیں تو کسے دیں
چپ رہنے کی ہر شخص قسم کھائے ہوئے ہے
ہم زہر بھرا جام بھلا دیں تو کسے دیں
آنس معین
Anas Mua'aeen