Jaday Ki Sard Sard Hawa Mein Thetharty Shab Haathon Mein Tapty Haath , Labon Par Sulagty Lab
جاڑے کی سرد سرد ہَوا میں ٹھٹھرتی شب
ہاتھوں میں تپتے ہاتھ، لبوں پر سُلگتے لَب
Jaday Ki Sard Sard Hawa Mein Thetharty Shab
Haathon Mein Tapty Haath , Labon Par Sulagty Lab
کُچھ تو بتا فسردگی کیا ہو گیا تجھے
آیا تھا آج دِل میں کوئی، کون، کیسے، کب
ٹھٹھا اُڑاتی موجِ ہَوا کو یہ کیا پتہ
ملِتا ہے کِس دِیئے سے مِری راکھ کا نسب
کانوں پہ ہاتھ رکھّے لرزتا ہوں ساری رات
غم قہقہے لگاتا ہے وہ بھی بلا سبب
پہنا تھا جانے کس لیے چشمہ شعور کا
پہلے تو کُچھ نظر نہیں آتا تھا اور اب
پِھر دِل میں گِر کے جل گئیں کُچھ تازہ خواہشیں
پِھر کھا گیا ہے روٹیاں، تندور سب کی سب
یہ کہہ کے دُھوپ ٹُوٹ پڑی نخلِ زرد پر
بارش کا نام لیتا ہے ؟ گُستاخ، بے ادب
سعید شارقؔ
Saeed Shariq
Comments
Post a Comment