Main Umar Ke Rasty Mein Chup Chap Bikhar Jata Ik Roz Bhi Gar Apni Tanhaai Se Dar Jata

میں عمر کے رستے میں چپ چاپ بکھر جاتا
اک روز بھی گر اپنی تنہائی سے ڈر جاتا
Main Umar Ke Rasty Mein Chup Chap Bikhar Jata
Ik Roz Bhi Gar Apni Tanhaai Se Dar Jata
میں ترک تعلق پہ زندہ ہوں سو مجرم ہوں
کاش اس کےلیے جیتا، اپنے لیے مر جاتا

اس روز کوئی خوشبو قربت میں نہیں جاگی
میں ورنہ سنور جاتا اور وہ بھی نکھر جاتا

اس جانِ تکلم کو تم مجھ سے تو ملواتے
تسخیر نہ کرپاتا حیران تو کرجاتا

کل سامنے تھی منزل، پیچھے مرے آوازیں
چلتا تو بچھڑ جاتا رکتا تو سفر جاتا

میں شہر کی رونق میں گم ہو کے بہت خوش تھا
اک شام بچا لیتا کسی روز تو گھر جاتا

محروم فضاؤں میں، مایوس نظاروں میں
تم عزم نہیں ٹھہرے، میں کیسے ٹھہر جاتا