Mera Wajood Kahan Mere Ikhteyar Mein Tha Guzishta Shab Mein Kisi Yaad Ke Hisar Mein Tha

میرا وجود کہاں میرے اختیار میں تھا
گزشتہ شب میں کسی یاد کے حصار میں تھا
Mera Wajood Kahan Mere Ikhteyar Mein Tha
Guzishta Shab Mein Kisi Yaad Ke Hisar Mein Tha
میں اس کے پاس گیا تشنگی کے عالم میں
مگر وہ اور کسی شخص کے خمار میں تھا

میں ایسا لمحہ تھا جو لوٹ کر نہیں آ تا
نجانے کون کہاں میرے انتظار میں تھا

وہ مجھ کو دیکھ رہا تھا بڑی توجہ سے
خدا کا شکر ہے، دل اس گھڑی قرار میں تھا

یقیں سے یاد نہیں تیرے ہجر کا لمحہ
بس اتنا یاد ہے، وہ رخصت بہار میں تھا
خرم خرام صدیقی
Khurram Khiram Siddiqui