Yeh Nahi Keh Meri Muhabbaton Ko Kabhi Khiraj Nahi Mila Magar Itefaq Ki Baat Hai Koi Hum Mizaj Nahi Mila

یہ نہِیں کہ میری مُحبّتوں کو کبھی خراج نہِیں مِلا
مــگر اِتفاق کی بات ہے کوئی ہم مزاج نہِیں مِلا
Yeh Nahi Keh Meri Muhabbaton Ko Kabhi Khiraj Nahi Mila
Magar Itefaq Ki Baat Hai Koi Hum Mizaj Nahi Mila
مجھے ایسا باغ نہِیں مِلا جہاں گُل ہوں میری پسند کے
جہاں زندہ رہنے کا شوق ہو مُجھے وُہ سماج نہِیں مِلا

کسی داستانِ قدیم میں میرے دو چراغ بھی دفن ہیں
میں وُہ شاہزادہ بخت ہُوں جسے تخت و تاج نہِیں مِلا

مَیں اِک ایسی موت ہُوں جس کے سوگ میں کام بَند نہِیں ہُوئے
کوئی شورِ گریہ نہِیں اُٹھا کہِیں احتجاج نہِیں مِلا

کوئی آس، کوئی اُمید ہو کہِیں اُس کی کوئی نوید ہو
کئی دِن ہُوئے میرا خوش خبر، میرا خوش مزاج نہِیں مِلا

تِری گُفتگُو میں نہِیں مِلی وُہ مِٹھاس پیار کے شَہد کی
سو قرار جیسا قرار بھی میرے دِل کو آج نہِیں مِلا