Suno tum ne kabhi saahil pe bikhri ret dekhi ha? samandar saath behta ha magar us k muqadar main hamesha pyas rehti ha

Suno tum ne kabhi saahil pe bikhri ret dekhi ha?
samandar saath behta ha
magar us k muqadar main
hamesha pyas rehti ha.

suno,tum ne kabhi sehra main jaltay
per dekhay han?
sabhi ko chaaon detay han
magar inko,silay main
dhoop milti ha.

suno,tum ne kabhi shaakhon se
bichartay phool dekhay han?
wo khushboo baant detay han
bikhar janay talak lekin
hawa ka saath detay han.

suno,tum ne kabhi,
melay main bajtay dhol dekhay han?
ajab ha almya in ka
bohat hi shor kartay han
magar
andar se khaali han.

YEHI MERA FASAANA HA
BAS ITNI SI PAHELI HA
YEHI MERI KAHANI HA.