Latest Post
Loading...

Meri saari zindagi ko be-samar uss ne kiya umar meri thi magar uss ko basar uss ne kiya


Meri saari zindagi ko be-samar uss ne kiya
umar meri thi magar uss ko basar uss ne kiya

Main bahut kamzor tha iss mulk mein hijrat ke baad
par mujhe iss mulk mein kamzor-tar uss ne kiya

Rehbar mera bana gumraah karne ke liye
mujh ko seedhe raaste se dar-ba-dar uss ne kiya

Shehar mein woh mo’tabar meri gawaahi se hua
phir mujhe iss shehar mein na-mo’tabar uss ne kiya

Shehar ko barbaad kar ke rakh diya uss ne MUNIR
shehar par ye zulm mere naam par uss ne kiya

 Munir Niazi


0 comments:

Post a Comment

 
Toggle Footer