Qais Jangal Mein Akela Hai Mujhe Jane Do Khoob Guzre Gi Jo Mil Baitheingy Deewane Do

قیس جنگل میں اکیلا ہے مجھے جانے دو
QAIS JANGAL MEIN AKELA HAI MUJHE JANE DO
*میاں داد خاں سیاح*
*Mian Dad Khan Sayyah*
قیس جنگل میں اکیلا ہے مجھے جانے دو
خوب گزرے گی جو مل بیٹھیں گے دیوانے دو
Qais Jangal Mein Akela Hai Mujhe Jane Do
Khoob Guzre Gi Jo Mil Baitheingy Deewane Do
لال ڈورے تری آنکھوں میں جو دیکھے تو کھلا
مئے گل رنگ سے لبریز ہیں پیمانے دو
Laal Dore Teri Aankhon Mein Jo Daikhay Tou Khula
Mai e Gul Rang Se Labraiz Hein Paimane Do
ٹھہرو تیور کو چڑھائے ہوئے جاتے ہو کدھر
دل کا صدقہ تو ابھی سر سے اتر جانے دو
Thehro Tewar Ko Chadhaye Hoe Jate Ho Kidhar
Dil Ka Sadqa Tou Abhi Sar Se Utar Jane Do
منع کیوں کرتے ہو عشق بت شیریں لب سے
کیا مزے کا ہے یہ غم دوستو غم کھانے دو
Mana'a Kion Karte Ho Ishq Butt Shereen Lab Se
Kia Maze Ka Hai Ye Gham Dosto Gham Khane Do
ہم بھی منزل پہ پہنچ جائیں گے مرتے کھپتے
قافلہ یاروں کا جاتا ہے اگر جانے دو
Hum Bhi Manzil Peh Pahonch Jaeingy Marte Khaptay
Qafla Yaron Ka Jata Hai Agar Jane Do
شمع و پروانہ نہ محفل میں ہوں باہم زنہار
شمع رو نے مجھے بھیجے ہیں یہ پروانے دو
Shamma o Parwana Na Mehfil Mein Hon Baham Zanhar
Shamma Roo Ne Mujhe Bhaijay Hein Ye Parwanay Do
ایک عالم نظر آئے گا گرفتار تمہیں
اپنے گیسوئے رسا تا بہ کمر جانے دو
Aik Aalam Nazar Aaega Giraftar Tumhein
Apne Gaisoo e Rasa Ta Ba Kamar Jane Do
سخت جانی سے میں عاری ہوں نہایت اے تلخؔ
پڑ گئے ہیں تری شمشیر میں دندانے دو
Sakht Jani Se Main Aari Hon Nihayat Ae Talakh
Pad Gaye Hein Teri Shamsheer Mein Dandane Do
حشر میں پیش خدا فیصلہ اس کا ہوگا
زندگی میں مجھے اس گبر کو ترسانے دو
Hashar Mein Paish Khuda Faisla Uska Hoga
Zindagi Mein Mujhe Is Gabar Ko Tarsane Do
گر محبت ہے تو وہ مجھ سے پھرے گا نہ کبھی
غم نہیں ہے مجھے غماز کو بھڑکانے دو
Gar Muhabbat Hai Tou Woh Mujh Se Phere Ga Na Kabhi
Gham Nahi Hai Mujhe Ghamaz Ko Badkane Do
جوش بارش ہے ابھی تھمتے ہو کیا اے اشکو
دامن کوہ و بیاباں کو تو بھر جانے دو
Josh Barish Hai Abhi Thamtay Ho Kia Ae Ashko
Daman Koh o Bayaban Ko Tou Bhar Jane Do
واعظوں کو نہ کرے منع نصیحت سے کوئی
میں نہ سمجھوں گا کسی طرح سے سمجھانے دو
Wa'aaezo Ko Na Kare Mana'a Naseehat Se Koi
Main Na Samjhonga Kisi Tarah Se Samjhane Do
رنج دیتا ہے جو وہ پاس نہ جاؤ سیاحؔ
مانو کہنے کو مرے دور کرو جانے دو
Ranj Deta Hai Jo Woh Paas Na Jao SAYAH
Mano Kehne Ko Mere Door Karo Jane Do
مأخذ
Makhaz
کتاب

Miyan dad Khan Saiyyah