Betab hain, shishdar hain, pareshan bohat hain Kyunkar na hon dil aik hai, arman bohat hain

بیتاب ہیں، ششدر ہیں پریشان بہت ہیں
کیوںکر نہ ہوں، دل ایک ہے، ارمان بہت ہیں
Betab hain, shishdar hain, pareshan bohat hain
Kyunkar na hon dil aik hai, arman bohat hain

کیوں یاد نہ رکّھوں تجھے اے دُشمنِ پنہاں
آخر مِرے سَر پر تِرے احسان بہت ہیں
Kyun yad na rakhoon tujhe ay dushman e pinhan
Akhir mere sar par tere ehsan bohat hain

ڈھونڈو تو کوئی کام کا بندہ نہیں مِلتا
کہنے کو تو اِس دور میں انسان بہت ہیں
Dhoondo to koi kaam ka banda nahi milta
Kehne ko to is daur mein insan bohat hain

اللہ اِسے پار لگائے تو لگائے
کشتی مِری کمزور ہے، طوفان بہت ہیں
Allah isay paar lagaye to lagaye
Kishti meri kamzor hai, toofan bohat hain

دیکھیں تجھے، یہ ہوش کہاں اہلِ نظر کو
تصویر تِری دیکھ کر حیران بہت ہیں
Dekhen tujhe, ye hosh kahan ehl e nazar ko
Tasveer teri dekh kar hairan bohat hain

ارمانوں کی اِک بھیڑ لگی رہتی ہے دن رات
دل تنگ نہیں خیر سے مہمان بہت ہیں
Armanon ki ek bheer lagi rehti hai din rat
Dil tang nahi, khair se mehman bohat hain