Gumshuda Mousam Ka Aankhon Mein Koi Sapna Sa Tha Badilon Ke Udtay Tukdon Mein Tera Chehra Sa Tha

گمشدہ موسم کا آنکھوں میں کوئی سپنا سا تھا
بادلوں کے اڑتے ٹکڑوں میں ترا چہرہ سا تھا
Gumshuda Mousam Ka Aankhon Mein Koi Sapna Sa Tha
Badilon Ke Udtay Tukdon Mein Tera Chehra Sa Tha
پھر کبھی مل جائے شاید زندگی کی بھیڑ میں
جس کی باتیں پیاری تھیں اور نام کچھ اچھا سا تھا

جاں بلب ہونے لگا ہے پیاس کی شدت سے وہ
خشک ریگستان میں اک شخص جو دریا سا تھا

گھر گیا ہے اب تو شعلوں میں مرا سارا وجود
اس کی یادیں تھیں تو سر پر اک خنک سایہ سا تھا

اس نے اچھا ہی کیا رشتوں کے دھاگے توڑ کر
میں بھی کچھ اکتا گیا تھا، وہ بھی کچھ اوبا سا تھا

شہر کی ایک ایک شے اپنی جگہ پر ہے نظرؔ
کیا ہوا وہ آدمی کچھ کچھ جو دیوانہ سا تھا