Har khwab, har khayal ki had se pare pare Dil hai har ek malal ki had se pare pare

ہر خواب ہر خیال کی حد سے پرے پرے
دِل ہے ہر اِک ملال کی حد سے پرے پرے
Har khwab, har khayal ki had se pare pare
Dil hai har ek malal ki had se pare pare

یا تو رُکی ہوئی ہے کہیں نبض ِ کائنات
یا ہم ہیں ماہ و سال کی حد سے پرے پرے
Ya to ruki hui hai kahin nabz e kaiynat
Ya hum hain maah o sal ki had se pare pare

اِک سائباں تنا ہے مرے سر پہ دھوپ کا
دِن ہے ابھی زوال کی حد سے پرے پرے
Ek sayeban tana hai mere sar pe dhoop ka
Din hai abhi zawal ki had se pare pare

جس زخم کم نما پہ مدار حیات ہے
وہ بھی ہے اندمال کی حد سے پرے پرے
Jis zakhm e kam numa pe madar e hayat hai
Wo bhi hai indimal ki had se pare pare

یوں تو سبھی جواب ہیں لفظوں کے درمیاں
لیکن مرے سوال کی حد سے پرے پرے
Youn to sabhi jawab hain lafzon ke darmiyan
Lekin mere sawal ki had se pare pare

سب سو رہے تھے چاند اچانک نِکل گیا
تاروں کے سخت جال کی حد سے پرے پرے
Sab so rahe thay, chaand achanak nikal gay
Taron ke sakht jaal ki had se pare pare

شاہین مفتی
Shaheen Mufti