Hum Toh Samjhe Thay Keh Dereena Shanasai Hai Bhaid Akhir Yeh Khula Toh Bhi Tamashai Hai

ہم تو سمجھے تھے کہ دیرینہ شناسائی ہے
بھید آخر یہ کھلا تو بھی تماشائی ہے
Hum Toh Samjhe Thay Keh Dereena Shanasai Hai
Bhaid Akhir Yeh Khula Toh Bhi Tamashai Hai
اک وہ پتھر جو نہ سنتا ہے مری آہ و فغاں
اک مری آنکھ کہ خاموشی پہ بھر آئی ہے

آہ گھاؤ پہ بھریں دنیا سے مرہم مانگیں
ہر دو صورت میں مری ذات کی رسوائی ہے

یونہی ہر شخص نہیں پوچھتا پھرتا میرا
میرے ہر غم میں نئی جدت و رعنائی ہے

اب جو سوچوں ترے بارے تو یہی سوچتا ہوں
اب کہ محفل میں تری کس کی پذیرائی ہے

دے رہا ہے مجھے اب کار محبت سے نجات
خوب قاتل ترا اندازِ مسیحائی ہے

رات سوئے کہ مری جاگے کوئی فرق نہیں
زندگی، خواب میں بھی ہجر ہے تنہائی ہے

کبھی دیکھی ہے کمی اس کی کسی کو ابرک
دکھ نے کمبخت طبیعت ہی سخی پائی ہے
اتباف ابرک
Atbaf Abrak