Kon Sa Woh Zakham Dil Tha Jo Tar o Taza Na Tha Zindagi Mein Itne Gham Thay Jinka Andaza Na Tha

کون سا وہ زخم دل تھا جو تر و تازہ نہ تھا
زندگی میں اتنے غم تھے جن کا اندازہ نہ تھا
Kon Sa Woh Zakham Dil Tha Jo Tar o Taza Na Tha
Zindagi Mein Itne Gham Thay Jinka Andaza Na Tha
ہم نکل سکتے بھی تو کیونکر حصار ذات سے
صرف دیواریں ہی دیواریں تھیں، دروازہ نہ تھا

اس کی آنکھوں سے نمایاں تھی محبت کی چمک
اس کے چہرے پر نئی تہذیب کا غازہ نہ تھا

اتنی شدت سے کبھی آیا نہ تھا اس کا خیال
زخم دل پہلے کبھی اتنا تر و تازہ نہ تھا

اس کی ہر اک سوچ میں ہے اک مسلسل انتشار
اس طرح بکھرا ہوا اس دل کا شیرازہ نہ تھا

دور کر دے گا زمانے سے مجھے میرا خلوص
مجھ کو اپنی اس صلاحیت کا اندازہ نہ تھا

عرشؔ ان کی جھیل سی آنکھوں کا اس میں کیا قصور
ڈوبنے والوں کو گہرائی کا اندازہ نہ تھا
عرشؔ صہبائی
Arsh Sahbai