naaz o andaaz naazneen ke saath ? Dekhiye bal bhi ab jabeen ke saath

ناز و انداز نازنین کے ساتھ؟
دیکھیئے بل بھی اب جبین کے ساتھ
naaz o andaaz naazneen ke saath ?
Dekhiye bal bhi ab jabeen ke saath

دوست میرے ہیں اور رشتہ ہے
مجھ سے اور میری آستین کے ساتھ
dost mere hain aur rishta hai
mujh se aur meri aasteen ke sath

ایک ریشم سا پرنیان ہے اور
لگ کے بیٹھے ہیں جو مہین کے ساتھ
aik resham sa parnian hai aur
lag ke baiTHy hain jo maheen ke saath

مجھ کو میری شکست ہے مقبول
مل کے آئی ہوں فاتحین کے ساتھ
mujh ko meri shikast hai maqbool
mil ke aayi hon faatehin ke sath

خواب میں رنجشیں بھلا دینا
ہو ملاقات جو حسین کے ساتھ
khwaab mein ranjishen bhula dena
ho mulaaqaat jo haseen ke saath

وہ مرا ہی ہے، میں نے جان لیا
اس کو دیکھا تھا اس یقین کے ساتھ
woh mera hi hai, main ne jaan liya
us ko dekha tha is yaqeen ke saath

کیوں چمکتے ہو آسمانوں پر؟؟
کوئی شکوہ مخالفین کے ساتھ ؟؟
kyun chamakte ho aasmaanon par ?
koi shikwah mukhalifeen ke saath ?

شائستہ مفتی
Shaista Mufti