Saqiya Yeh Jo Tujh Ko Ghere Hein In Mein Kuch Rind, Kuch Lutere Hein

ساقیا یہ جو تجھ کو گھیرے ہیں
ان میں کچھ رند، کچھ لٹیرے ہیں
Saqiya Yeh Jo Tujh Ko Ghere Hein
In Mein Kuch Rind, Kuch Lutere Hein
جس نے بخشے ہیں پھول گلشن کو
اس نے کچھ خار بھی بکھیرے ہیں

کل جو طوفان تھا سمندر میں
اس کے اب ساحلوں پہ ڈیرے ہیں

تیرے بارے میں کچھ نہیں معلوم
ہم اگر ہیں تو صرف تیرے ہیں

ہوش و غفلت میں پاس ہی موجود
مجھ کو وہ ہر طرف سے گھیرے ہیں

تم سے تو کیا نظر ملائیں گے
خود سے بھی ہم نگاہ پھیرے ہیں

درحقیقت وہی عدو ہیں فلکؔ
جن کو کہتا ہے تو کہ میرے ہیں
ہیرا لال فلکؔ دہلوی
Heera Lal Falak Dehlvi