Tera Saani Koi Hoa Nahi Tera Husn Husan Kamal Hai Na Jahan Mein Teri Nazeer Hai , Na Jahan Mein Teri Misal Hai

تیرا ثانی کوئی ہوا نہیں تیرا حسن حسن کمال ہے
نہ جہاں میں تیری نظیر ہے، نہ جہاں میں تیری مثال ہے
Tera Saani Koi Hoa Nahi Tera Husn Husan Kamal Hai
Na Jahan Mein Teri Nazeer Hai , Na Jahan Mein Teri Misal Hai
وہی اپنی منزلیں پا گیا تیرے عشق میں جو فنا ہوا
جسے عشق تیرا ملا، اسے کوئی رنج ہے، نہ ملال ہے

یہ کسی کا مجھ پہ ہوا کرم میرے سامنے ہے مرا صنم
میرے دل کے خانے میں ہر گھڑی تیری یاد، تیرا خیال ہے

تو ہی جستجو ہے، جنون ہے، تو ہی چین ہے، تو سکون ہے
مجھے کوئی تجھ سے جدا کرے یہ بھلا کسی کی مجال ہے

تیرے دم سے ہے میری زندگی، تیرا عشق ہے میری بندگی
تیرے ذکر و فکر کو چھوڑ کر مجھے ایک پل بھی محال ہے

کوئی غم بھی دل کا عیاں نہیں، مجھے کوئی فکر جہاں نہیں
میری آرزو کا حسیں چمن تیری چاہتوں سے بحال ہے

تیرے گھر سے دور نہ رہ سکوں، میں شایاںؔ یہ بھی نہ کہہ سکوں
اسی غم سے دل میں ہے بیکلی، اسی غم سے دل میں ملال ہے
(صلی اللہ علیہ وآلہ وسلم)
(Salallahu Alehi Waalehi Wasalam)
خواجہ شایان حسن
Khuwaja Shayan Hasan