Tere dar se uth kar jidhar jaoun main Chaloon do qadam aur thehr jaoun main

ترے در سے اٹھ کر جدھر جاؤں میں
چلوں دو قدم اور ٹھہر جاؤں میں
Tere dar se uth kar jidhar jaoun main
Chaloon do qadam aur thehr jaoun main

سنبھالے تو ہوں خود کو تجھ بن مگر
جو چھو لے کوئی تو بکھر جاؤں میں
Sambhale to hoon khud ko tujh bin magar
Jo chhu le koi to bikhhar jaoun main

اگر تو خفا ہو تو پروا نہیں
ترا غم خفا ہو تو مر جاؤں میں
Agar tu khafa ho to parwa nahi
Tera gham khafa ho to mar jaoun main

تبسم نے اتنا ڈسا ہے مجھے
کلی مسکرائے تو ڈر جاؤں میں
Tabassum ne itna dasa hai mujhe
Kali muskuraye to dar jaoun main

مرا گھر تو فسادات میں جل چکا
وطن جاؤں تو کس کے گھر جاؤں میں
Mera ghar to fasadat mein jal chuka
Watan jaoun to kis ke ghar jaoun main

خمارؔ ان سے ترک تعلق بجا
مگر جیتے جی کیسے مر جاؤں میں
Khumar un se tark e talluq bajaa
Magar jeete ji kaise mar jaoun main