Tez Barish Mein Kabhi Sard Hawaoun Mein Raha Ik Tera Zikar Tha Jo Meri Sadaoun Mein Raha
تیز بارش میں کبھی سرد ہواؤں میں رہا
اک ترا ذکر تھا جو میری صداؤں میں رہا
Tez Barish Mein Kabhi Sard Hawaoun Mein Raha
Ik Tera Zikar Tha Jo Meri Sadaoun Mein Raha
کتنے لوگوں سے مرے گہرے مراسم تھے مگر
تیرا چہرہ ہی فقط میری دعاؤں میں رہا
اچھی لگتی تھی تجھے موسموں کی تبدیلی
اور یہ رنگ سدا تیری اداؤں میں رہا
مجھ کو معلوم نہیں ہے کہ ٹھہرنا کیا ہے
خشک پتوں کی طرح میں تو ہواؤں میں رہا
اس کے ڈسنے سے محبت کا بدن نیلا ہوا
بیوفائی کا وہ لمحہ جو وفاؤں میں رہا
اس نے کچھ دیر کو چہرے سے اٹھایا تھا نقاب
اور کچھ دیر تلک چاند گھٹاؤں میں رہا
عاطف سعید
Atif Saeed
Comments
Post a Comment