Tum Ne Ujlat See Dekhayi Hai Mujhe Khony Mein Falto Shay Thi Padi Rehti Kisi Kony Mein
تم نے عجلت سی دکھائی ہے مجھے کھونے میں
فالتو شے تھی پڑی رہتی کسی کونے میں
Tum Ne Ujlat See Dekhayi Hai Mujhe Khony Mein
Falto Shay Thi Padi Rehti Kisi Kony Mein
اجنبی ہوتے ہوئے شخص مجھے یہ تو بتا
کیسی دقت تجھے حائل ہے مرا ہونے میں
ایسے دکھ سکھ کے تعلق سے اکیلی اچھی
ساتھ ہنسنے میں نبھایا نہ مرا رونے میں
اس سے کیا شکوہ کیا جائے کہ دل بنجر تھا
میں ہی ناکام رہی فصلِ جنوں بونے میں
اب یہ معلوم ہوا غیر ضروری تھا تمام
عمر گزری ہے جو اسبابِ سفر ڈھونے میں
مجھ کو اوقات میں رکھا ہے خدا نے ورنہ
تول دیتی میں کسی روز تجھے سونے میں
Comments
Post a Comment