Tumhein Dil Lagi Bhool Jani Paregi Muhabbat Ki Rahon Mein Aa Kar Tou Daikho

تمہیں دل لگی بھول جانی پڑے گی
محبت کی راہوں میں آ کر تو دیکھو
Tumhein Dil Lagi Bhool Jani Paregi
Muhabbat Ki Rahon Mein Aa Kar Tou Daikho
تڑپنے پہ میرے نہ پھر تم ہنسو گے
کبھی دل کسی سے لگا کر تو دیکھو
وفاؤں کی ہم سے توقع نہیں ہے
مگر ایک بار آزما کے تو دیکھو
زمانے کو اپنا بنا کر تو دیکھا
ہمیں بھی تم اپنا بنا کر تو دیکھو
خدا کے لئے چھوڑ دو اب یہ پردہ
کہ ہیں آج ہم تم نہیں غیر کوئی
شب ِوصل بھی ہے حجاب اس قدر کیوں
ذرا رُخ سے آنچل اٹھا کرتو دیکھو
جفائیں بہت کیں بہت ظلم ڈھائے
کبھی اک نگاہِ کرم اِس طرف بھی
ہمیشہ ہوئے دیکھ کرمجھ کو برہم
مری جاں کبھی مسکرا کر تو دیکھو
جو الفت میں ہراک ستم ہے گوارہ
یہ سب کچھ ہے پاسِ وفا تم سے ورنہ
ستاتے ہو دن رات جس طرح مجھ کو
کسی غیر کو یوں ستا کر تو دیکھو
اگر چہ کسی بات پر وہ خفا ہیں
تو اچھا یہی ہے تم اپنی سی کر لو
وہ مانے نہ مانے یہ مرضی ہے اُن کی
مگراُن کو پرنم منا کر تو دیکھو
تمہیں دل لگی بھول جانی پڑے گی
محبت کی راہوں میں آ کر تو دیکھو

شاعر: پرنم الہ آبادی
Purnam Ilah Abadi