Bas Aik Shakhs Hi Kul Kainat Ho Jaise

 

Poet Mohsin Naqvi 

 

Bas Aik Shakhs Hi Kul Kainat Ho Jaise,

Nazar Na Aaye To Din Mein Bhi Rat Ho Jaise,

Mere Labon Pe Tabasam Hai Mojzan Ab Tak,

K Dil Ka Tootna Choti Si Bat Ho Jaise,

Shab-E-Firaq Mujhe Aaj Youn Darati Hai,

Tere Baghair Meri Pehli Rat Ho Jaise,

Usi Ki Yad Ki Ye Bhi To Ek Karamat Hai,

Hazar Meel Pe Ho Kar Bhi Sath Ho Jaise,

Tera Salook Mujhe Roz Zakham Deta Hai,

Kisi Ko Pehli Mohabbat Mein Maat Ho Jaise,

Humare Dil Ko Koi Mangne Na Aaya,

MOHSIN

Kisi Ghareeb Ki Beti Ka Hath Ho Jaise..............!