Apne Ehsas se Choo kar mujhe sandal kar do

 

Poet Wasi Shah

 

Apne Ehsas se Choo kar mujhe sandal kar do

Main ke sadion se Adhoora hon Mukamal kar do

Na tumhain hosh rahe na Mujhe hosh rahe

Is Qadar toot k Chaho, Mujhe pagal kar do

Is k Saiy mein meray Khawab dahak uthay gay

Mere chehre pe chamakta howa aanchal kar do

Tum apni hateli ko mere pyar ki mehndi se rango

Apni aankhon mein mere nam ka kajal kar do

Dhoop hi dhoop hon main toot k berso muj par

Main to sehra hon mujhe pyar ka badal ker do

Masla hoon tu na Churaao nigahain mujh se

Apni chahat se tawajha semujhay hal kar do

Apnay hontoon say koi moher lagao muj per

Aik nazer pyar say dekho mujhey ghayal ker do.