Laho Se Dil Kabhi Chehre Ujalne K Liye

 

Poet Mohsin Naqvi

 

Laho Se Dil Kabhi Chehre Ujalne K Liye,

Main Jee Raha Hon Andhairon Ko Talne K Liye,

Utar Pare Hain Parindon K Ghoul Sahil Par,

Safar Ka Bojh Samandar Mein Dalne K Liye,

Sukhan Libas Pe Tehra To Jogion Ne Kaha,

K Aasteen Hai Faqat Saanp Palne K Liye,

Main Sochta Hon Kabhi Main Bhi Kohan Hota,

Tere Wajood Ko Pathar Mein Dalne K Liye,

Kise Khabar K Shaboon Ka Wajood Lazin Hai!

Fiza Mein Chand Sitare Uchalne K Liye,

Baha Rahi Thi Wo Sailab Mein Jahaiz Apna,

Badan Ki Doobti Kashti Sambhalne K Liye,

Wo Mahtab Sift Aina-E-Jabeen, MOHSIN

Gale Mila Bhi To Matlab Nikalne K Liye.........................!